SPAK sekuestroi inceneratorin e Tiranës, reagon Erion Veliaj

Kryetari i Bashkisë së Tiranës, Erion Veliaj ka reaguar pas vendimit të Prokurorisë së Posaçme për të sekuestruar inceneratorin e Tiranës.

Përmes një postimi në Twitter Veliaj shprehet se “sekuestrimi dhe heqja nga duart e subjektit privat të impiantit të mbetjeve të Tiranës si rezultat i hetimeve të SPAK është mëse i mirëpritur në rrugën e zbardhjes së veprimtarisë së paligjshme të kujtdo që ka abuzuar në dëm të interesit publik”.

Veliaj i është përgjigjur akuzave të opozitës për përfshirje në aferën e inceneratorit të Tiranës, ndërsa thekson se bashkia e Tiranës do të vazhdojë punën për një Tiranë, që sipas tij është sot pasqyrë pastërtie.

“Histeria e portaleve te baltes tregon vetem qe baltaxhinjte e udhehequr nga Non Gratat s’e kane marr vesh akoma qe jemi ne epoke tjeter! Sekuestrimi dhe heqja nga duart e subjektit privat te impiantit te mbetjeve te Tiranes si rezultat i hetimeve te SPAK eshte mese i mirepritur ne rrugen e zbardhjes se veprimtarise se paligjshme te kujtdo qe ka abuzuar ne dem te interesit publik. Bashkia e Tiranes nderkohe do te vazhdoje pa u ndalur punen per nje Tirane qe sot eshte pasqyre pastertie edhe si rezultat i transformimit te Sharres nga nje kancer urban ne nje fushe sanitare me standardet e duhura mjedisore. Koha punon per Tiranen dhe Shqiperine Europiane, jo per kandilet e Non Gratave qe do te shkojne drejt shuarjes”, shprehet  Veliaj.

LEXONI GJITHASHTU:

• “SPAK në rrugën e duhur”, Bardhi: Sekuestrimi i inceneratorit, hapi i domosdoshëm
• SPAK sekuestron inceneratorin e Tiranës