Spanja eliminon Gjermaninë dhe shkon në finalen e madhe të Europianit të femrave

Spanja i bashkohet Anglisë në finalen e Kampionatit Europian për femra, ndërsa eliminoi në gjysmëfinale Gjermaninë, ndërsa u desh koha shtesë për të shpallur fituesin.

Një përballje e jashtëzakonshme mes dy nga skuadrave më të fortë në botë, por në fund triumfuan iberiket, pas një goli të realizuar nga Bonmati.

45’ minutat e para folën vetëm për Spanjën e cila ishte dominuese në fushën e lojës, ndërsa e pati të pamundur të ruajë ritmin në fraksionin e dytë, aty ku gjermanet luajtën më mirë.

90’ minutat nuk prodhuan fitues, ndaj u akordua shtesa prej 30 minutash, aty ku Spanja gjeti avantazhin.

Në minutën e 113’ Aitana Bonmati pa vendosjen e gabuar të portieres gjermane dhe goditi nga një pozicion diagonal, duke ndalur topin në rrjetë.

Në vijim shifrat mbetën të pandryshuara, ndërsa Spanja avancon në finale, aty ku përballet me kampionet në fuqi të këtij kompeticioni, Anglinë.

Këto të fundit fituan ndaj Italisë më herët, përballje që po ashtu u vendos në kohën shtesë.

Finalja e madhe luhet të dielën e 27 korrikut, aty ku favorite për të ngritur lart trofeun cilësohet Spanja.

LEXONI GJITHASHTU:

• Zyrtare/ Skënder Gega largohet nga stoli i Partizanit, te kuqtë pa trajner
• Kualifikueset e Conference League, Dinamo City dhe Vllaznia zbresin në fushë