Spanjolli Alcaraz triumfon 2-0 ndaj Shapovalove, të mërkurën përballet me Dimitrov

Karlos Alcaraz është padyshim një ndër potencialet kryesore për të triufmuar në Indian Wells, ndërsa në orët e para të mëngjesit të së martës rrëmbeu fitoren e radhës. Spanjolli kaloi pa probleme në fazën e 1/8 aty ku e pret Dimitrov, që renditet i 15-ti në botë. Dueli i radhës nuk e mundoi shumë spanjollin i cili fitoi të dyja setet e para, duke mos pasur nevojë për një të tretë.

Ndaj Shapovalov, seti i parë zgjati 43 minuta dhe u fitua në shifrat 2-6, ndërsa i dyti 4-6 për t’i dhënë biletën për kalimin më tej 21-vjecarit. Të mërkurën ai do të zbresë sërish në fushë ku përballet me Grigo Dimitrov, që po ashtu të martën fitoi ndaj francezit Monfils me shifrat 2-1.

Daniil Medvedev po ashtu është një konkurrent i fortë këtë edicion në Indian Wells dhe në duelin e radhës ka përballë amerikanin Paul, që po ashtu pretendon për të kaluar më tej. Rusi synon të ngrejë lart trofeun, ndërsa ka qenë i pafat në kompeticionet e mëparshme të tenisit dhe në 2024-ën. Sa i përket Alcaraz në rast se ai kalon më tej do të përballet me një mes Cerundolo dhe De Minaur.

LEXONI GJITHASHTU:

• PSG synon përmbysjen ndaj Liverpool, luhen ndeshjet e kthimit në Champions
• Partizani fiton pas 7 ndeshjesh në kampionat, Dinamo mposht Bylisin