Spiropali ironizon Nokën pas përjashtimit: Shko rrit numrin e protestuesve jashtë

Ministrja e Shtetit për Marrëdhëniet me Parlamentin, Elisa Spiropali ka ironizuar opozitën në lidhje me bllokimin e foltores në parlament.

Në fjalën e saj në parlament, Spiropali tha se skenari i bllokimit të parlamentit ishte i parashikueshëm pasi nuk ishte hera e parë që ajo e bën këtë gjë

“Të vini këtu dhe të bllokoni seancën ju duhet të dilni jashtë sepse këta nuk dinë të sillen. Ishe e parashikuar kjo që bëtë, se nuk është hera parë që ansambli “utopia” i ka bëtë këto” tha ajo.

Pas përjashtimit të Flamur Nokës, Spiropali tha me ironi se është më mirë që e gjitha opozita të dali jashtë dhe të shtoj numrin e protestuesve jashtë parlamentit.

“Nxirri të gjithë dhe rrit numrin e protestuesve jashtë. Është më mirë të dilni jashtë, sepse këtu jeni shumë pak, dhe këtë po jua them me dashamirësinë e një njeriu që do të vazhdojë seancën” tha ajo.

Pas kësaj kryetarja e parlamentit Lindita Nikolla kërkoj ndalimin e seancës për 5 minuta.

LEXO GJITHASHTU

• Protestuesit përplasen me policinë, tentojnë të hyjnë në parlament
• Tensione në Parlament dhe jashtë tij, Flamur Noka përjashtohet nga seanca