Spiropali ironizon opozitën: Partinë e bashkuat, jeni gjallë e në dritë të vërtetë

Deputetja e Partisë Socialiste, Elisa Spiropali, ka ironizuar ditën e sotme gjatë seancës plenare në Kuvend opozitën.

Gjatë fjalës së saj, Spiropali tha me ironi se opozita tani është e bashkuar, deputetët janë të gjallë e në dritë të vërtetë.

Ajo bëri gjithashtu edhe një urim për të gjithë mësuesit, për “7 Marsin” dhe për gratë për “8 Marsin”.

“Desha të bëj një urim për gjithë mësuesit e Shqipërisë në 7 mars. Mësuesit na kanë mësuar se kur flet dikush, nuk ia marrin fjalën të tjerët, nuk bëhet zhurmë, nuk ka bilbila. Ejani në komision të biem dakord për kërkesat tuaja.

Partinë e bashkuat, të gjithë deputetët janë bashkë. Jeni të fortë e të gatshëm, jeni gjallë e në dritë të vërtetë. Gëzuar 7 marsin sot të gjithë mësuesve dhe 8 marsin të gjitha grave, sepse nuk do të shihemi nesër”, tha Spiropali.

LEXONI GJITHASHTU:

• “S’duam Parlament monist”- Bilbila dhe pankarta, opozita vijon skenarin në Kuvend
• Nis me tensione seanca plenare, deputetët e opozitës bllokojnë foltoren