Stigma pengon shqiptarët në trajtimin e problemeve të shëndetit mendor

Problemet e shëndetit mendor, si ankthi, depresioni dhe çrregullimet e humorit, janë në rritje, dhe pavarësisht se për to flitet gjithnjë e më shumë, shumë njerëz ende e kanë të vështirë të pranojnë dhe të kërkojnë trajtim.

Mjekët psikiatër theksojnë se stigma është një nga arsyet kryesore që pengon njerëzit të marrin ndihmën që u nevojitet.

“Trajtimi i një personi me probleme të shëndetit mendor nuk është i lehtë, pasi shpesh ky person nuk pranon që ka një problem dhe nuk është i gatshëm për trajtim. Ka raste kur edhe familjarët e identifikojnë problemin, por pacienti nuk e pranon. Në disa raste, është familja që, për shkak të stigma, e pengon pacientin të kërkojë ndihmë”, thotë psikiatrja Valentina Asabella.

Vonesa në trajtim, sipas Asabelles, mund të çojë në përkeqësim të situatës dhe zhvillimin e shqetësimeve të tjera.

Ajo thekson se asnjë person nuk është imun ndaj problemeve të shëndetit mendor, dhe ngjarje të tilla si tërmeti dhe pandemia e COVID-19 kanë shtuar këto probleme tek shqiptarët.

“Faktorët janë të shumtë dhe disa lidhen edhe me traumatikat e fëmijërisë,” shton psikiatrja.

LEXONI GJITHASHTU:

• Problemet e shëndetit mendor, pse çrregullimet bipolare përkeqësohen në bipolare
• OBSH: 1 në 3 persona kërkon ndihmë për shëndetin mendor te mjeku i familjes