Stola të thyer në ‘Air Albania’ gjatë derbit, Tirana dhe Partizani gjobiten me nga 200 mijë lekë

Komisioni i Disiplinës në FSHF ka gjobitur me nga 200 mijë lekë gjobë skuadra e Tiranës dhe Partizanit pas trazirat e shënuara gjatë derbit të së hënës gjatë të cilit u dëmtuan dhjetëra stola në stadiumin ‘Air Albania’.

KF Tirana gjobitet për dështim në përmbushjen e detyrimeve dhe përgjegjësive, sjelljes së gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive dhe urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.

FK Partizani, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive, pajisjeve sportive dhe duke shkaktuar ndërprerjen e përkohshme të lojës dhe urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve

Gjithashtu, zyrtari i FK Partizani, Ilir Daja, për protestë ndaj vendimeve të zyrtarit të ndeshjes, me gjeste dhe fjalë ofenduese dënohet me 2 ndeshje pezullim nga aktiviteti.