Stoltenberg me Begajn: Shqipëria, rol aktiv për stabilitetin në Ballkanin Perëndimor

Sekretari i Përgjithshëm i NATO-s, Jens Stoltenberg deklaroi se Shqipëria luan rol të rëndësishëm për stabilitetin në Ballkanin Perëndimor.

Deklaratën, Stoltenberg e dha gjatë konferencës së përbashkët për shtyp me presidentin shqiptar, Bajram Begaj.

Në fjalën e tij, Stoltenberg u shpreh se NATO do vijojë ta përkrahë Shqipërinë, si në rastin e sulmit kibernetik nga Irani.

“Shqipëria luan rol të rëndësishëm për stabilitetin në Ballkanin Perëndimor. Përgëzoj Shqipërinë për ratifikimin e protokolleve të anëtarësimit të Finlandës dhe të Suedisë. Edhe NATO është e angazhuar përkrah Shqipërisë, si në rastin e sulmeve kibernetike që ju gjendem pranë. Ne po investojmë edhe në bazën e Kuçovës.

Ne do të vazhdojmë të mbështetim Shqipërinë. Ne ramë dakord për rëndësinë e pranisë së NATO-s në rajon, si misioni në Kosovë. Ne vlerësuam gjithashtu vijimin e dialogut mes Serbisë dhe Kosovës”, theksoi Stoltenberg.