Stoltenberg: Nuk ka prova se Putin ka ndryshuar qëllimet e tij në Ukrainë

Sekretari i përgjithshëm i NATO-s, Jens Stoltenberg tha se Perëndimi nuk ka parë asnjë shenjë që tregon se Putin ka ndryshuar ambicien e tij në Ukrainë

Deklarata e Stoltenbergut u bë nga Brukseli, ku u mblodhën ministrat e Jashtëm të aleancës.

“Ne nuk kemi parë asnjë tregues se presidenti Putin ka ndryshuar ambicien e tij për të kontrolluar të gjithë Ukrainën dhe për të rishkruar rendin ndërkombëtar”, tha ai.

Stoltenberg deklaroi se NATO-ja duhet të mbështesë Ukrainën, të mbajë sanksionet ndaj Rusisë dhe të forcojë mbrojtjen.

“Konflikti mund të zgjasë një kohë të gjatë dhe ne duhet të jemi të përgatitur për këtë”, tha kreu i NATO-s.

LEXONI GJITHASHTU:

• Ministrat e Jashtëm të NATO-s mblidhen në Bruksel për Ukrainën
• Lavrov akuzon Perëndimin se po ‘pengon’ negociatat Rusi-Ukrainë