Studentja: Mami më ka folur për seksualitetin që në moshën 10 vjeçe

Temë e diskutimit në emisionin “Rin Talk” në Euronews Albania, këtë të shtunë, ishte edukata seksuale dhe tabutë që ka mbi të në shoqërinë shqiptare.

E ftuar në studion studentja, Megi Stambollxhiu, tha se mamaja e saj e cila është mësuese i kishte folur për herë të parë për këtë temë që në moshën 10-vjeçare.

Ajo tha se ëma ia kishte përshkruar në një mënyrë shumë diplomatike ndryshimet që do të pësonte trupi i saj me rritjen.

“Personalisht mami duke qënë se është dhe vetë mësuese ka patur marrëdhënie me fëmijët dhe e di sesi janë, ka folur me mua rreth moshës 10-vjeçare. Normalisht ato emërtimet sex dhe marrëdhënie janë pak të rënda për një fëmijë 10-vjeçar dhe normalisht duhet t’i forcosh emocionet dhe pastaj hap pas hapi disa gjëra i kupton vetë.

Mami ka folur me mua rreth moshës 10-vjeçare dhe më ka shpjeguar se shiko se ti do rritesh do bëhesh zonjushë, do kesh ndryshime që do të ndodhin, do të të rriten flokët, do të marrësh tipare të tjera më të pjekura dhe është munduar në formë diplomatike shumë të bukur të më shpjegojë se çfarë do të ndodhë”, tha Stambollaxhiu.

LEXO GJITHASHTU:

• Sociologia: Virgjërinë e kemi të shenjtë për vajzat, djemve u themi bravo
• Nxënësja me të gjitha 10-ta: Dua të bëhem mjeke dhe të flas shqip me pacientët e mi