Studentja shqiptare në Angli: Kemi mundësi më të mira pune jashtë Shqipërisë

Studentja Xhulia Muçaj, e cila po kryen studimet në Angli, tha se Shqipëria nuk ofron mundësitë që ato kërkojnë.

E ftuar në emisionin “Good Morning Albanias” në Euronews Albania, Muçaj tha se studentët shqiptarë zgjedhin vendet e huaja për të studiuar për shkak të cilësisë së arsimit.

“Fitova një bursë nga shteti britanik dhe nuk mund t’i thosha jo.  Ka disa faktorë që studentët shqiptarë po shkojnë të arsimohen jashtë, duke filluar që nga cilësia e arsimit në Shqipëri. Duhet thënë që kjo braktisje e Shqipërisë po sjellë dhe tharjen e trurit.”- shprehet studentja.

Më tej ajo theksoi se në vendin tonë ka shumë problematike, ku konkretisht përmendi ato ekonomike dhe politike.

“Po na jepen mundësi më të mira për të qëndruar në vende të tjera ku kushtet e punës janë më të mira, pagat më të kënaqshme. Çdokush nga ne do përpiqej të hidhej në një det shumë më të madh se sa një det siç është Shqipëria, për shkak të problematikave që janë. Sistemi ekonomik dhe politik janë në çekuilibër total.”- theksoi ajo.

LEXONI GJITHASHTU: 

• Mbaroi studimet për gazetari, Hilaj: Arsyet pse duhet të iki në Angli