Studim: Shëndeti oral më i dobët tek fëmijët në zonat rurale

Klinika Stomatologjike Universitare ka realizuar një depistim mbi shëndetin oral të fëmijëve në moshë shkollore dhe ka zbuluar se problemet më të mëdha janë në zonat rurale.

Fëmijët 0-18 vjeç që jetojnë në këto zona janë më të predispozuar për të pasur probleme me dhëmbët dhe një nga faktorët kryesorë është mungesa e aksesit në shërbimin dentar. Ky fakt bëhet i ditur nga drejtoresha e Klinikës Stomatologjike Universitare, Belisa Pilafi Kaleci, gjatë një interviste për Euronews.

Vera është stina që i shton edhe më shumë problemet dentare tek fëmijët në të gjithë vendin dhe shkak për këtë është higjiena e ulët dhe dalja nga rutina si pasojë e pushimeve.

Ajo që vërehet në Klinikën Stomatologjike Universitare është se prindërit i çojnë shumë vonë fëmijët tek dentisti.