Studimi: Ecni 5000 hapa në ditë, mjaftueshëm për të qëndruar të shëndetshëm

Prej kohësh është thënë se 10,000 hapa në ditë është numri magjik që ju nevojitet për të qëndruar në formë dhe të shëndetshëm, por një studim i ri tregon se edhe më pak se 5,000 mund të jenë të mjaftueshëm për të parë një përfitim.

Analiza e më shumë se 226,000 njerëzve në mbarë botën tregoi se 4,000 hapa në ditë ishin të mjaftueshme për të filluar zvogëlimin e rrezikut të vdekjes së parakohshme për çdo shkak.

Pak më shumë se 2300 janë të mjaftueshme për pasur përfitime shëndetësore lidhur me zemrën dhe enët e gjakut.

Sa më shumë të bëni, aq më shumë përfitime shëndetësore shihen, thanë studiuesit.

Çdo 1000 hapa shtesë përtej 4000 ul rrezikun e vdekjes së hershme me 15% deri në 20000 hapa.

Ekipi nga Universiteti Mjekësor i Lodz-it në Poloni dhe Shkolla e Mjekësisë e Universitetit Johns Hopkins në SHBA zbuloi se përfitimet e ecjes zbatoheshin për të gjitha gjinitë dhe moshat, pavarësisht se ku jetonin.

Megjithatë, përfitimet më të mëdha u panë tek moshat nën 60 vjeç.

LEXONI GJITHASHTU:

• Studimi: Njerëzit me peshë të madhe trupore kanë një tru ndryshe nga të tjerët
• Studimi zbulon 8 zakone që ju zgjasin jetën