Gjysma e grave në Shqipëri janë dhunuar të paktën një herë në jetë

Një anketë e Institutit të Statistikave thotë se rreth 53% e grave janë dhunuar të paktën një herë në jetë.

Studimi tregon të dhëna alarmante sipas të cilave një pjesë e shoqërisë e pranon dhunën brenda familjes. Specifikisht, 46.5% e personave të pyetur besojnë se gratë duhet ta durojnë dhunën e ushtruar për ta mbajtur familjen të bashkuar.

Nga ana tjetër 27.5% besojnë se kur një grua dhunohet nga bashkëshorti është edhe për faj të saj, madje të dhënat tregojnë se 27.6% e personave mendojnë se është turp nëse një grua flet për këtë problem me dikë jashtë familjes së saj.

Dhuna e ushtruar ndaj grave në shumë raste vjen edhe kur ato refuzojnë të kryejnë mardhënie seksuale me bashkëshortet, kështu pohojnë 11.4% e të anketuarve.

Por shifra është e lartë sa i takon grave që e kanë përjtuar dhunë në jetën e tyre, kështu kanë pranuar të paktën 52.9% e grave të intervistuara, dhe 36.6% pohojnë se po e përjetojnë aktualisht atë.

Studimi tregon se sjelljet kontrolluese, dhuna psikologjike, dhuna ekonomike dhe dhuna seksuale ndaj partneres janë shfaqur gjatë tre viteve të para të martesës, madje në studim vihet re, se numri më i lartë i partnerëve dhunues janë në radhët e personave me arsim të mesëm dhe të ulët.

Viti i kaluar tregoi se dhuna në familje u rrit, sidomos gjatë periudhës së pandemisë, ndërsa 13% e krimeve në 2020 ndodhen në familje.

LEXONI GJITHASHTU:

• Pandemia uli krimin, por u shtuan rastet e drogës dhe dhuna në familje
• Dhuna në familje, policia dhe organizatat janë dy institucionet e para që shqiptarët zgjedhin për të denoncuar
• Dhuna në familje, parashikohet ashpërsimi i tre pikave të ligjit