Meteorologia e Meteoalb, Lajda Porja, tha në një lidhje direkte për Euronews Albania se si do të jenë temperaturat duke filluar nga dita e nesërme dhe përgjatë gjithë muajit shtator.
Nga dita e martë dhe deri në fundjavë do të kemi stuhi e rrebeshe shiu të cilat do të përfshijnë një pjesë të mirë të Shqipërisë.
“Është vetëm dita e sotme e cila do të jetë si të thuash dita e fundit zagushi, duke filluar që nga nesër, nga e marta deri ditën e premte do të kemi jo vetëm freskim të motit por do të kemi prezencë të reshjeve, dita e nesërme rrezikohet i gjithë territori, edhe bregdeti, madje do të fillojnë reshjet që sonte rreth orës 9: 30 – 10 duke përfshirë një pjesë të mirë të Shqipërisë” – tha Porja.
Por për të gjithë ata që nuk i kanë nisur pushimet, pavarësisht reshjeve 15 ditëshi i parë i shtatorit do të shoqërohet me temperatura të larta 33 deri në 35 gradë.
“Për të gjithë ata që nuk kanë pushuar dot përgjatë korrikut edhe gushtit e kanë shumë ideale 15 ditëshin e parë të shtatorit për të shijuar pushimet me temperatura të larta” – tha meteorologia.
LEXONI GJITHASHTU:
- Ylli i Hannah Montana, Mitchel Musso, akuzohet për vjedhje dhe dehje publike
- Primaret në Kukës, ja kush do e përfaqësojë Rithemelimin në 24 shtator
