“S’u pyetëm për ndryshimet”- Drejtuesit e Shoqatës së Autoshkollave: Po falimentojmë

Në Elbasan 33 autoshkolla kanë bojkotuar shërbimet e tyre në shenjë proteste për rritjen e tarifave të marrjes së lejes së drejtimit.

Vendimi prek edhe autoshkollat të cilat përballen me tarifa më të mëdha.

“Ky ndryshim është bërë në mënyrë dinzare pa marrë asnjë mendim nga grupet e interesit, pa pyetur asnjë kryetar shoqate, sekretar apo indivit. Ne ka ardh dy ditë me përpara lajmi që në datën 5 do të paguani këto tarifa, këto janë në kurriz të qytetarit, ta di qytetari të mos mendojë që këto do t’i paguaj autoshkolla. Autoshkolla do ti’a marrë qytetarit dhe do ti paguar pranë drejtorisë së trasportit dhe keto njihen shpenzime”, tha Alim Lulaj, kryetar i Shoqatës së Autoshkollave në Elbasan.

Drejtuesit e autoshkollave theksojnë se këto vendime po i çojnë drejt falimentimit. Një tjetër vendim i cili prek autoshkollat dhe kundërshtohet prej tyre është kategorizimi si profesione të lira.

“Ne nuk jemi profesione te lira, sepse ne jemi te punesuar kemi edhe te punësuar, domethene jemi pronar por kemi inxhinjër që është drejtuesi  teksnik, kemi edhe instruktor. Si mund te jemi ne profesion i lire? Ne jemi trajtu si biznes i vogël, kush kalon kuotën që ka caktuar shteti kalon me TVSH, ose kalon biznes i madh”, tha një drejtues autoshkolle.

Autoshkollat i kanë lënë 1 javë kohë ministrisë të refletojë mbi vendimet e saj, ose në të kundërt protestat do të përshkallëzohen.

LEXONI GJITHASHTU:

• Humbën patentën nga shkeljet, 660 shoferë rikthehen në autoshkollë
• Eksperti rrugor: Nuk bëhen të plota orët e praktikës në autoshkolla