Eksperti rrugor: Nuk bëhen të plota orët e praktikës në autoshkolla

Eksperti i sigurisë rrugore, Gëzim Hoxha nge dyshime se në autoshkolla nuk bëhen të plota orët e praktikës.

Në emisionin “Good Morning Albanians” në Euronews Albania, Hoxha u shpreh se kur kishte autoshkollë, çdo kursant kishte një librezë ku shënoheshin orët e praktikës.

“Po të shpjegoj rastin sesi unë kam pasur autoshkollë dhe unë u kisha bërë një librezë çdo kandidati për drejtues mjeti, në të cilën shkruante orën kur fillonte stërvitjen, pra fillonte guidën me makinë dhe orën kur dilte. Prindi paguante x lekë përdjalin e tij që ta kualifikojë, por ai nuk bën as 5 kilometra.

Atëherë pse i pagova lekët unë kur djali im nuk  trajnohet dhe nuk e bën këtë? Kjo kërkon një metodikë që të jetë e kontrollueshme. Në të vërtetë, ky djali i bëri 36 orë stërvitje apo jo? Ky është problemi”, theksoi ai.

LEXONI GJITHASHTU

• “Motoristë pa leje drejtimi”, eksperti: Shpërndajnë duke rrezikuar veten e të tjerët
• Eksperti: Motorçiklistët “delivery” hipin në trotuar, askush nuk i thotë gjë