Suedi| Dëshmitarët rrëfejnë tmerrin e sulmit të rëndë në shkollë

Dëshmitarët e sulmit në shkollën Risbergska në Örebro kanë përshkruar momentet e tmerrit gjatë të shtënave më të rënda në historinë e Suedisë. Marwa, një studente në qendrën arsimore, tregoi se si u përpoq të ndihmonte një të plagosur, ndërsa tre persona të tjerë ishin të shtrirë në dysheme të mbuluar me gjak.

Njëmbëdhjetë persona, përfshirë sulmuesin, humbën jetën në këtë ngjarje tragjike të martën. Numri i saktë i të plagosurve mbetet ende i paqartë, por policia ka paralajmëruar se mund të rritet per shkak të gjendjes së rëndë të plagosurve.

Mësuesja Lena Warenmark kujtoi se kishte dëgjuar rreth 10 të shtëna me ndërprerje dhe më pas ishte detyruar të qëndronte e mbyllur në studion e saj për më shumë se një orë.

Kryeministri Ulf Kristersson e cilësoi ngjarjen si sulmin më të rëndë me armë në një shkollë suedeze dhe tha se është e vështirë të përballohet ky realitet. Policia ka hapur hetime për zbardhjen e motiveve të këtij akti tragjik.

LEXONI GJITHASHTU:

• Sulmi në Suedi, Policia: 11 të vdekur dhe disa të plagosur, vijojnë hetimet
• Sulmi me armë në Suedi, Kryeministri Ulf Kristersson: Më i keqi në historinë tonë