“Suksesi i njeriut është te sjellja”- Krrashi: Si krijova dyqanin lëvizës të luleve

Jemi mësuar të shohim dyqane të ndryshme lulesh në zona të populluara, por Shefqet Krrashi ka zgjedhur një tjetër mënyrë për të shitur lule. Teksa tregon vlerësimin dhe përkujdesjen e tij ndaj luleve, ai rrëfeu për Real People si krijoi ‘dyqanin e tij lëvizës’, një biznes ndryshe i cili i kursen shumicën e shpenzimeve.

‘Lulja të frymëzon. Ashtu siç çel lulja, të çel edhe truri; lulja të rilind. Te unë e ka dhënë efektin, lulja të zbukuron, të zgjat jetën,’ – tregon ai.

Krrashi ka treguar se si nisi ideja për të hapur këtë biznes, duke listuar kushtet që kërkon një dyqan dhe si e ka përshtatur ai fugonin e tij në një biznes lulesh me rafte.

“Para disa vitesh, vëllai im merrej me lule dhe unë e shikoja, por nuk kisha ndonjë interes; në shtëpi kisha shumë lule tradicionale dhe kujdesej gruaja. Lulja ka lidhje me sistemin nervor, sepse pamja e lules reflekton në sistemin nervor dhe të qetëson. Unë këtë makinë të vogël e kam kthyer më mirë se sa një dyqan; raftet i kam mbushur me të gjitha llojet e luleve. Ky është fugon në lëvizje, kam kërkesa dhe klientë që më kërkojnë të shkoj tek ata. Dyqani do kushte, do dritë, të jetë vend me lëvizje; qeraja është e shtrenjtë, ka kushte të tjera dyqani. Me furgon paguaj vetëm harxhimet e mia, jo qera. Jam me kasë me të gjitha. Kam shumë klientë të huaj, sidomos amerikanë. Suksesi i njeriut është tek sjellja”, tha ai.

LEXONI GJITHASHTU:

• “Gruaja më vdiq në aksident, vet rashë 6 muaj në koma”, rrëfimi prekës i 70-vjeçarit
• Rrëfimi i 70-vjeçarit për Real People: Nëna më braktisi se nuk më donte njerku