Sulm me thikë gjatë një proteste në Belgjikë, 6 të plagosur! 4 të dyshuar në pranga

Një sulm me thikë u regjistrua të enjten në mbrëmje në Antverp të Belgjikës gjatë një proteste pro-kurde. Sulmi la gjashtë të plagosur, dy prej të cilëve janë në gjendje kritike.

Incidenti ndodhi gjatë një proteste që po zhvillohej pranë njërit prej kryqëzimeve më qendrore dhe më të ngarkuara të qytetit. Dëshmitarët okularë përshkruan skena paniku, me qytetarë që vraponin për t’u larguar nga vendi i ngjarjes.

Sipas autoriteteve lokale, gjashtë persona u plagosën në sulm, me dy që luftojnë për jetën në spital. Pjesa tjetër pësoi lëndime të lehta dhe mori ndihmë të menjëhershme mjekësore. Forca të forta të shërbimeve të emergjencës shkuan menjëherë në vendngjarje, duke u ofruar ndihmën e parë të lënduarve.

Mësohet se autoritetet arrestuan katër të dyshuar, ndërsa zona përreth sheshit u rrethua për arsye sigurie.  Hetimet nga autoritetet janë duke vazhduar për të përcaktuar shkaqet e sakta të sulmit dhe rrethanat në të cilat ndodhi.