“Sulme politike”- Berisha: Akuzohem për korrupsion pasiv dhe pastrim parash

Ish-kryeministri Sali Berisha i cilësoi sulme politike të kryeministrit Edi Rama masën e sigurisë të dhënë ndaj tij dhe dhëndrit Jamarbër Malltezi.

Berisha theksoi se është njoftuar nga SPAK se akuzohet për “Korrupsion pasiv” dhe “Pastrim parash”.

“Edi Rama pas fillimit të lëvizjes opozitare pa kthim dje në parlamentin e Shqipërsisë, ai urdhëroi prokurorët e tij mercenarë të denoncuar publikisht në këtë sallë, për fshehje dokumentash, manipulim dosjesh dhe bashkëpunim me bandat, për të lëshuar urdhër në kundërshtim me kushtetutën nenin 73 të saj, i cili përcakton se liria e deputetit në çdo formë lëvizjeje nuk mund të cënohet pa miratimin e paralamentit.

Unë pranoj plotësisht sfidën. As kufizimi im për të lëvizur në Shqipëri, unë jam deputet dhe duhet të takohem me zgjedhësit, as kufizimi im për të lëvizur në Evropë nuk mund të ndodhte pa miratimin e komisoneve përkatëse parlamentare. Por në këtë vend ku prokuroria është thjesht një seksion i Partisë Socialiste mund të merret çdo vendim.

Siç informohem ndaj meje është ngritur akuza për “Korrupsion pasiv” dhe “Pastrim parash”, ndërsa dhëndri im është arrestuar në aeroport teksa priste të shoqen, ai nuk është marrrë kurrë në pyetje për asnjë problem nga asnjë prokuror apo hetues në vend”, tha Berisha.

LEXONI GJITHASHTU:

• SPAK arreston Jamarbër Malltezin, “Detyrim paraqitje” për Sali Berishën
• GJKKO cakton masën e sigurisë “Detyrim paraqitje” për Sali Berishën
• GJKKO i caktoi masën e sigurisë, reagon për herë të parë Sali Berisha