Kryediplomati i BE-së, Josef Borrel shprehu të dielën shqetësim të thellë për përshkallëzimin e konfliktit në Lindjen e Mesme, duke nënvizuar rreziqet e rënda që paraqet si rajonal ashtu edhe global.

“Situata në Lindjen e Mesme ka arritur një nivel kritik rreziku, për rajonin dhe më gjerë,” tha shefi i politikës së jashtme Josep Borrell në platformën e mediave sociale X.

Ai i bëri jehonë gjithashtu thirrjes së bërë nga kryeministri i Libanit Najib Mikati për zbatimin e menjëhershëm të Rezolutës 1701 të Këshillit të Sigurimit të OKB-së, e cila synon të ndalojë armiqësitë dhe të stabilizojë rajonin.

Borrell theksoi më tej rëndësinë e një “armëpushimi në Gaza” si një hap thelbësor për të zbutur rrezikun që konflikti të shndërrohet në “një luftë të plotë”.

Komentet e tij vijnë vetëm disa orë pas sulmeve të mëdha ajrore izraelite në Liban, duke ngritur frikën për një luftë më të madhe rajonale, dhe mes shqetësimeve në rritje ndërkombëtare për tensionet në rritje, me liderët globalë që kërkojnë gjithnjë e më shumë masa të menjëhershme de-përshkallëzimi për të shmangur një konflikt më të gjerë.

LEXONI GJITHASHTU:

• Kush është lideri i Hezbollah dhe si e shpjegoi ai sulmin e fundit ndaj Izraelit
• Ja çfarë dihet deri më tani për sulmet midis Izraelit dhe Hezbollahut