Sulmet në Francë të ndërlidhura, prokurorët kanë gjetur prova se atentatorët njiheshin

Gjatë hetimeve të dy sulmeve terroriste që kanë prekur Francën së fundmi, prokurorët e ngjarjeve kanë gjetur një foto të atentatorit, që vrau mësuesin e një shkolle të mesme, në telefonin e ekstremistit që shkaktoi 3 viktima në Nisë.

Informacionet e gjendura nga prokurorët e anti-terrorit në celularët e dy atentatorëve, tregojnë se këta persona kanë qenë të lidhur me grupin e ISIS.

Gjithashtu, mënyra e ngjashme e vrasjeve me thikë dhe tentativë për prerje të kokës kanë ngritur më tej dyshimet se atentatorët kanë pasur motive të ngjashme.  

Sipas këtyre të dhënave mendohet se dy sulmet terroriste janë të ndërlidhura me njëra-tjetrën. Si pasojë, qeveria franceze ka rritur masat e sigurisë në vende pune, shkolla dhe në kufijtë e vendit.