Sulmi ndaj Berishës, Noka akuzon Ramën, Çuçin dhe Veliun

Deputeti i Partisë Demokratike Flamur Noka akuzoi Edi Ramën, Bledi Çuçin dhe Ardi Veliun për sulmin e sotëm ndaj Sali Berishës.

Sipas tij ky skenar i pushtetit kishte tre qëllime.

Së pari, plagosjen e Sali Berishës me qëllim mbylljen e gojës së liderit të opozitës, dhe rrjedhimisht shqiptarët sot, të mos kishin zë ndryshe nga zëri i regjimit. Së dyti, acarimin e pushtetësve të PD dhe opozitës në një shkallë që do t’i shtynte ata përtej arsyes dhe dhunës dhe përplasjes.
Dhe së treti, shmangien e Berishës dhe opozitës si faktor dhe intelegutor me Perëndimin dhe paraqitjen e saj si një forcë destabilizuese dhe anti-europiane,” – u shpreh Noka.

Deputeti demokrat tha se Çuçi me porosi të Ramës dha urdhër të shpalleshin në kërkim dy demokratë. Sipas tij, ata u përpoqën dhe neutralizuar informatorin e futur të Edi Ramës.

Noka deklaroi se raporti mjekësor që doli për Gert Shehun ishte fals, edhe pse mjeku i tij në një intervistë për Euronews Albania deklaroi se ai vet ka lëshuar raportin autentik.

“Probleme mendore sot ka vetëm një njeri dhe ai quhet Edi Rama. Gjakmarrës serial, siç e pohon edhe vetë te libri Kurbani dhe një gjenerator i krimit të vazhdueshëm të politikës shqiptare,” – u shpreh ai.

LEXONI GJITHASHTU:

• Spahiu: Atentati ndaj Berishës, skenar për të prishur dasmën evropiane në Tiranë
• Intervista e plotë e mjekut psikiatër të 31-vjeçarit që goditi Berishën