Sulmi ndaj Rushdie, aktivistja: Agresori nën presionin e ideologjisë fetare

Aktivistja, Elsa Ballauri thotë se sulmi ndaj shkrimtarit Salman Rushdie është një veprim i përsëritur dhe agresorë të tillë janë nën presionin e një ideologjie fetare në mënyrë të vazhdueshme.

Në një intervistë për “Euronews Albania”, Ballauri u shpreh se këta lloj personash që kryejnë sulme të tilla janë kthyer në një problem shumë të madh, sidomos për shoqëritë perëndimore.

“Kjo është në vazhdën e shumë informacioneve që ne marrim për vite me radhë në lidhje me ekstremizmin mysliman. Fakti që ai e pranon vetë që ka lexuar dy faqe, tregon se s’ka lidhje me bindjen e tij si njeri. Por ka lidhje me bindjen e tij për atë lloj ideologjie që ka marrë dhe përfaqëson. Unë mendoj se kjo është një turmë e madhe njerëzish të pandërgjegjësuar për të cilët janë në presionin e ideologjisë fetare në mënyrë të vazhdueshme.

Jo vetëm rastësisht, por në një ambient të kësaj lloj idelologjie, e cila i ushqen që të vegjël, ushqen injorancën e tyre dhe reagime të tilla ne i kemi parë që të jenë problem shumë i madh për shoqëritë perëndiomore, sidomos ku ata mendojnë se armiqtë e tyre janë pikërisht ata. Kemi të bëjmë me një ideologji dhe ideologjitë dihet që i shkatërrojnë mendjet njerëzore”, theksoi ajo.

Personi i akuzuar për sulmin ndaj shkrimtarit, Salman Rushdie ka deklaruar se ka lexuar vetëm dy faqe të librit të kontestuar të autorit, “Vargjet Satanike”.

Matar është shprehur se e kishte sulmuar shkrimtarin me argumentin se është një person që ka ofenduar Islamin.

LEXONI GJITHASHTU

• ‘E sulmova sepse ofendoi Islamin’, rrëfehet agresori i Salman Rushdie
• Rushide drejt shërimit, djali i shkrimtarit: Nuk e ka humbur sensin e humorit
• Sulmi ndaj Salman Rushdie, shkrimtari: Atentat ndaj lirisë së fjalës