Sulmi terrorist në veri të Kosovës, Sarrazin: Kriminal dhe terrorist

Emisari Special i Gjermanisë për Ballkanin Perëndimor, Manuel Sarrazin ka komentuar situatën në veri të Kosovës pas sulmeve të së dielës.

Në një intervistë për një media gjermane, ai përgënjeshtroi presidentin serb, Aleksandër Vuçiç se terroristët ishin provokuar nga policia e Kosovës.

“Deklarimi i Vuçiçit është gabuar sepse konsideroj që nuk e përshkruan me saktësi ngjarjen kryesore të vikendit të kaluar. Më duhet të them se jemi të vetëdijshëm se një përshkrim i tillë paraqet mendimin e një pjese të madhe të popullatës në Serbi dhe të shumicës së serbëve në Kosovë. Presim nga ana e tyre një përshkrim të vërtetë të ngjarjes,” – u shpreh Sarrazin.

Ndërkohë, sulmin e të dielës e cilësoi si kriminal.

“E vërteta lidhur me ngjarjen, nëse e shikojmë veçmas janë skajshmërisht të kundërta, në mes të përshkrimit të shqiptarëve në Kosovë, serbëve në Kosovë dhe atyre në Serbi. Ky përceptim shton rrezikun real për një eskalim të situatës në veri,” – shtoi Sarrazin.

LEXONI GJITHASHTU:

• Sarrazin: Dënojmë sulmet kriminale ndaj Policisë së Kosovës, jemi në anën tuaj
• Sarrazin zbulon çfarë i tha Kurtit në kulmin e tensioneve në Veri