Sulmohet makina e policisë së Kosovës në Zveçan

Policia e Kosovës ka konfirmuar se një veturë e një njësie policore është sulmuar afër objektit komunal në Zveçan. Policia ka shtuar se “nuk raportohet për të lënduar” dhe se rasti është duke u hetuar.

“Njësia policore ka qenë duke patrulluar afër objektit të komunës në Zveçan, nga një grup i personave të dyshuar është sulmuar me mjete të forta gurë dhe me këtë rast kanë dëmtuar automjetin zyrtar”, thuhet në përgjigjen e Policisë.

Raportohet se protestuesit kanë kundërshtuar kalimin e një veture të Policisë së Kosovës.

Sipas REL, një grup i serbëve lokalë është grumbulluar para objektit komunal që prej mëngjesit. Por, për shkak të shiut të madh, së fundi protestuesit janë larguar nga rruga, edhe pse protesta nuk është shpallur e përfunduar.

LEXONI GJITJHASHTU:

• Përpunimi i kallamit nga artizanët, sipërmarrja për krijimin e çadrave të plazhit
• Borrell pas takimit me Kurtin: Situata në Veri e rrezikshme, të ulen tensionet