Sulmohet me dronë baza e bombarduesve strategjikë të Rusisë

20 Mars 2024 | 15:13

Dronët ukrainas e kanë sulmuar të mërkurën një bazë ajrore të bombarduesve strategjikë të Rusisë, e cila ndodhet në afërsi të qytetit Engels në rajonin Saratov, thanë burime të inteligjencës ukrainase për Radion Evropa e Lirë (REL).

Sulmi u planifikua dhe u krye nga Drejtoria Kryesore e Inteligjencës Ushtarake të Ukrainës, sipas burimeve.

Baza ajrore, e njohur si Engels 2, është përdorur nga bombarduesit strategjikë rusë për ta sulmuar Ukrainën.

Burimet, që folën në kushte anonime, thanë se “caqet u goditën” nga dronët e prodhuar nga Ukraina dhe se janë duke u bërë vlerësime për rezultatin e këtij sulmi. Burimet nuk treguan se çfarë caqesh janë goditur dhe sa prej tyre janë goditur.

Më herët të mërkurën, guvernatori i rajonit rus Saratov, Roman Busargin, tha se një sulm me dronë në Engles u “zmbraps”.

Ai tha në Telegram se nuk raportohet për viktima apo dëme.

Banorët e Engels raportuan në rrjetet sociale se i kanë dëgjuar së paku katër shpërthime në këtë qytet.

Ministria e Mbrojtjes e Rusisë tha se katër dronë ukrainas u rrëzuan mbi rajonin Saratov dhe një tjetër mbi rajonin Belgorod.

Engels, i cili ndodhet rreth 700 kilometra larg kufirit me Ukrainën, ishte sulmuar edhe gjatë vitit 2022.

Ndërkohë, së paku dy njerëz u vranë dhe disa të tjerë u plagosën si pasojë e bombardimeve të pareshtura ruse ndaj caqeve civile në Ukrainë të mërkurën, thanë zyrtarët e ushtrisë ukrainase.

Ushtria ukrainase tha të mërkurën se 150 vendbanime në nëntë rajone – Çernihiv, Harkiv, Luhansk, Donjeck, Zaporizhja, Dnipropetrovsk, Herson dhe Mikolaiv – u sulmuan nga Rusia në 24 orët e fundit.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Bisedimet për marrëveshjen, udhëheqësi i Hezbollahut: Tërheqja pa kushte nga Libani është zgjedhja e vetme e Izraelit

Udhëheqësi i Hezbollahut të Libanit, Naim Qassem, tha se Izraeli “nuk ka zgjidhje tjetër” përveçse të tërhiqet pa kushte nga territoret libaneze që ende kontrollon....
11:11 | 26/06/2026

Sulmi ndaj anijes pranë brigjeve të Omanit, OKB pezullon operacionin e shoqërimit në Hormuz

Organizata Ndërkombëtare Detare e OKB-së ndaloi operacionin e saj për të shoqëruar anijet përmes Ngushticës së Hormuzit të enjten, pasi një anije raportoi një sulm,...
11:00 | 26/06/2026

Rusia dhe Ukraina intensifikojnë sulmet. 28 dronë rrëzohen pranë Moskës, Kievi shënjestrohet nga raketat balistike

Rusia dhe Ukraina nisën sulme të reja ajrore nga nata e së enjtes deri mëngjesin e të premtes. Ndërsa Moska pretendon se ka rrëzuar të...
10:51 | 26/06/2026