Gjashtë persona janë arrestuar pasi dyshohet se janë përshirë në një përleshje që ka ndodhur më 25 shkurt në rrugë “Kral Petri” në veri të Mitrovicës.
Policia e Kosovës ka njoftuar se pas ndërhyrjes se njësisë patrulluese për të ndaluar një konflikt, të dyshuarit fillimisht i kanë ofenduar e më pas edhe i kanë sulmuar zyrtarët policor, shkruan KosovaPress.
Po ashtu bëhet me dije se tre zyrtarë policor kanë pësuar lëndime trupore e më pas kanë pranuar trajtim mjekësor.
“Më datë 25.02.2025 policia ka arrestuar gjashtë persona të dyshuar për veprën penale ‘Sulm ndaj personit zyrtar’. Te dyshuarit Alkool test: N.N. – 24 vjeçar 1.59 për qind, N.N. – 26 vjeçar 1.62 për qind, A.B. – 28 vjeçar 1.50 për qind, A.B. – 30 vjeçar 1.57 për qind, I.R. – 24 vjeçar 1.21 për qind, B.D. – 19 vjeçar 1.84 për qind”, thuhet në njoftim.
Sipas policisë të dyshuarit pasi janë arrestuar janë dërguar në stacion policor ku ju është bërë matja me alkool test dhe kanë rezultuar se janë nën ndikim të alkoolit.
LEXONI GJITHASHTU:
- Hyra mes ushtrisë serbe në luftën në Kosovë! Regjisori: Më shanin se po filmoja
- Kur mund të formohet qeveria e re e Kosovës
