Sulmues të armatosur rrëmbejnë mbi 280 nxënës në Nigeri

Sulmuesi të armatosur me motoçikleta rrëmbyen më shumë se 280 nxënës në qytetin Kuriga, në veriperëndim të Nigerisë, njoftuan sot zyrtarët.

Nxënësit u rrëmbyen ndërsa ishin para shkollës dhe janë të moshës nga tetë deri në 15 vjeç, raporton BBC.

Guvernatori i shtetit Kaduna, Uba Sani, deklaroi se 187 nxënës janë rrëmbyer nga shkolla e mesme dhe 125 nga shkolla fillore, por se 25 prej tyre janë kthyer.

Një nga dëshmitarët tha se sulmuesit e armatosur qëlluan një nxënës dhe se ai mori ndihmë mjekësore në spital.

LEXONI GJITHASHTU:

• Të paktën 30 të vrarë nga një seri sulmesh në Nigeri
• Të paktën 7 viktima dhe 2 të plagosur në një sulm në një xhami në Nigeri