‘Sunny Hill u mbajt ku e ka vendin’, Kurti pret Dua Lipën

Kryeministri i Kosovës Albin Kurti ka pritur sot në takim këngëtaren me famë botërore Dua Lipa.

Kurti në një postim në Facebook ka shkruar se ka falënderuar këngëtaren Lipa dhe ekipin e saj për promovimin e Kosovës në skenën botërore përmes Festivalit Sunny Hill, festival që siç thotë u mbajt aty ku e ka vendin, në Prishtinë.

“U mbajt në Prishtinë, aty ku e ka vendin. Kosova shkëlqen ndryshe me Sunny Hill dhe vajzën tonë të artë, Dua Lipa, të cilën sot e prita në Kryeministri. Vendi ynë po shënon një nga vitet më të suksesshme kulturore në historinë e tij. Duan e falënderova për përfaqësimin e bukur e dinjitoz dhe promovimin e vlerave të Kosovës kudo në botë. Zëri, muzika e kënga e saj, na kanë bërë shumë më të njohur dhe mirënjohur anembanë. Kontributi që ajo jep për Kosovën është i pamatshëm”, shkruan Kurti.

Edicioni i sivjetshëm i Sunny Hill u shoqërua me polemika për mundësinë e zhvendosjes së tij në Tiranë, për shkak të mos dhënies së lejes për tokën nga Ministria e Planifikimit Hapësinor në Kosovë.

LEXONI GJITHASHTU:

• Dua Lipa merr titullin Ambasadore Nderi e Republikës së Kosovës
• 7000 pulla me imazhin e Dua Lipës, Posta e Kosovës nderon këngëtaren