Liverpool duket se do të jetë një nga skuadrat më aktive në merkaton e verës, duke nisur punën zyrtarisht me emra konkretë. Ekipi i udhëhequr nga Arne Slot, i cili pak javë më parë u shpall kampion i Anglisë, ka prezantuar blerjen më të fundit, holandezin Jeremy Frimpong. Anësori ka qenë pjesë e Leverkusen për katër vite e gjysmë dhe pak orë më parë u bë pjesë e Liverpool, ku do të bashkohet me lojtarë të tjerë të përfaqësueses së Holandës, përfshirë kapitenin Virgil Van Dijk.
24-vjeçari kushtoi 35 milionë euro klubit, një vlerë e pranueshme për një futbollist me shumë potencial, mjaft fizik dhe i shpejtë. Ai firmosi një kontratë pesëvjeçare. Frimpong ishte titullar i padiskutueshëm te Leverkusen, ku gjatë sezonit të fundit luajti në 53 ndeshje.
Liverpool nuk do të ndalet me kaq, pasi sipas mediave britanike, ka arritur akordin me mesfushorin Florian Wirtz. Ky i fundit refuzoi ofertën e Bayernit, një situatë e rrallë në Bundesligë, dhe nuk u bind nga planet e trajnerit Kompany, duke vendosur të luajë nën drejtimin e Arne Slot në sezonin e ri futbollistik. Me këto dy blerje, “të kuqtë” po bëjnë një merkato të jashtëzakonshme, ndërsa priten edhe nënshkrime të tjera në ditët në vijim.
LEXONI GJITHASHTU:
- Goditje në merkato nga Man City, Bayerni përforcon mbrojtjen
- Granit Xhaka zgjidhet lojtari me më tepër impakt te Bayern Leverkusen