Superjahti rus mbërrin në Hawaii pas urdhrit të konfiskimit nga SHBA

Një superjaht rus “Amadea” i kapur në Fixhi muajin e kaluar nga autoritetet amerikane, i cili kap vlerën prej 300 milionë dollarë është në pronësi të oligarkut rus të sanksionuar Suleiman Kerimov.

Superjahti ka mbërritur në Hawaii, treguan të dhënat e gjurmimit të anijes Refinitiv Eikon, raporton Reuters.

Task-forca KleptoCapture e Departamentit të Drejtësisë së SHBA-së është fokusuar në sekuestrimin e jahteve dhe aseteve të tjera luksoze të oligarkëve rusë në një përpjekje për të ushtruar presion ndaj Presidentit rus Putin për luftën në Ukrainë.

Jahti 106 metra u largua nga porti Lautoka i Fixhit javën e kaluar pasi Gjykata e Lartë e ishulliy Paqësorit vendosi që ai të largohej nga vendi sepse ishte e kushtueshme për qeverinë ta mirëmbante atë

FBI deklaroi se anija çaktivizoi sistemet e saj të automatizuara të informacionit më 24 shkurt, pasi Rusia pushtoi Ukrainën, si pjesë e një përpjekjeje për të shmangur konfiskimin.

Shtetet e Bashkuara pretendojnë se Kerimov është pronari i vërtetë përfitues i Amadea-s. Kerimov u sanksionua nga Shtetet e Bashkuara në 2014 dhe 2018 në përgjigje të veprimeve të Rusisë në Siri dhe Ukrainë. Ai është sanksionuar edhe nga Bashkimi Europian.

LEXONI GJITHASHTU

• Putin: Sanksionet dëmtuan vetë BE-në, epoka e SHBA ka marrë fund