Temë e emisionit Review në Euronews Albania, këtë të shtunë, ishte rezoluta anti-korrupsion e propozuar nga Partia Socialiste dhe kryeministri Rama dhe që pritet të kalojë ditën e hënë në parlament.

I ftuar në studio juristi Ervi Çela, komentoi rezolutën dhe krijimin e komisionit Ad-Hoc që do të ketë kompetenca shumë të zgjeruara që do të shqyrtojë dhe ligjet.

Çela nuk ka arsye që të krijohet një superkomision i tillë, pasi parlamentit nuk i mungon asgjë që të bëjë ligje dhe të bëjë analizën e të gjitha institucioneve.

“Ne po flasim për një komision që do ketë të drejtë të shqyrtojë dhe ligjet. Çfarë i mungon parlamentit që të bëjë këtë punë. Sot kuadri ligjor është i plotë. Nëse një ligj ka nevojë për një amendim mund të bëhet një amendim, nëse një ligj duhet të abrogohet, bëhet një ligj i ri. Të gjitha instrumentat janë, atëherë pse na duhet ky komision që ka tagrin e gjithë pushtetshëm për të bërë analizën e të gjithë institucioneve e të gjitha ligjeve dhe për të na dalë me projekte konkrete. Ne nuk kemi mangësi në kuadrin ligjor. Ne i kthehemi pjesës problematike, çfarë i ka munguar ligjvënësve që kanë marrë mandatin që prodhojnë ligje për të shkuar në një superkomision me kompetenca kaq të gjera. Në mënyrë absolute nuk gjejmë një shkak ligjor që të na çojë në këtë gjë”, tha Çela.

LEXONI GJITHASHTU:

• Kthupi skanon rezolutën anti-korrupsion: Lapsusi frojdjan në tekst, prek drejtësinë
• Rezoluta anti-korrupsion, gazetarja: Si lindi ideja dhe takimi i Rama-Xhafaj
• A do ta votojë PD rezolutën anti-korrupsion të Ramës? Përgjigjet Jorida Tabaku