Sveçla në Bruksel: KE konfirmoi se Kosova i ka plotësuar kushtet për vizat

Ministri i Punëve të Brendshme të Kosovës, Xhelal Sveçla ka takuar sot në Bruksel komisioneren evropiane për Punë të Brendshme Ylva Johansson, të cilën e ka falënderuar për rikonfirmimin e Komisionit Evropian se Kosova ka plotësuar në tërësi kriteret për lëvizjen e lirë për qytetarët e saj.

Komisionerja Johansson ka rikonfirmuar që Komisioni qëndron prapa vlerësimit të tij dhe se puna vazhdon tutje në kuadër të procesit ekzistues deri në kompletimin e liberalizimit të vizave, ka shkruar Sveçla në një status në Facebook.

Në takim u tha se lufta ndaj krimit, korrupsionit, trafiqeve të ndryshme dhe të gjitha veprimtarive ilegale mbetet prioritet i Qeverisë së Kosovës.

LEXONI GJITHASHTU:

• “Presim afrim për dialogun”, raportuesja Von Cramon: Kosova përmbushi kushtet për vizat
• Serbia pas reciprocitetit: Kosova po përgatit konflikt të madh