Sveçla publikon foton: Pjesë e terroristëve të vrarë dhe truproja e Aleksandër Vulin

Ministri i Brendshëm të Kosovës, Xhelal Sveçla, ka dekalruar përmes një postimi në facebook, se pjesë e tre terroristëve serbë të vrarë në kosovë është dhe Bojan Mijailoviç, truproja personale e Aleksandër Vulin, shefI i inteligjencës serbe.

Sipas Sveçlës, Mijailoviç e ka shoqëruar Aleksabndër Vulinin në vizitën e këtij ë fundit në Kosovë.

Ministri Sveçla nënvizon se ky fakt është dëshmi e pa kundërshtueshme se shteti serb fshihet pas planit për destabilizimin e veriut të Kosovës.

Sveçla akuzoi të martën Milan Radoiçiçin, nënkryetarin e Listës Serbe, partisë më të madhe të serbëve në Kosovë, se ka organizuar dhe ka marrë pjesë në sulmin në Banjskë.

Më 26 shtator, Sveçla e ka publikuar një video të incizuar me dron, ku shihet Radoiçiç i armatosur brenda manastirit në Banjskë.

Postimi i Ministrit të Brenshëm të Kosovës në facebook:

Dje përmes video-pamjeve dëshmuam prezencën e kryekriminelit dhe udhëheqësin e aksionit terrorist Milan Radoiçiç. Ndërkaq, sot është konfirmuar që njëri nga të vrarët që ishte po ashtu pjesëmarrës i atij akti është edhe Bojan Mijailoviq, trupëroja e shefit të BIA-s serbe, Aleksandër Vulin, në vizitën e tij në Republikën e Kosovës në vitin 2013.

Shteti i Serbisë është këmbë e krye i përfshirë në këtë sulm terrorist me qëllim destablizimin e Republikës së Kosovës. Për këtë gjë tashmë ekziston edhe lidhja formale e strukturore e përfshirjes së Aleksandër Vuçiç në sulmin e 24 shtatorit në Banjskë të Zveçanit: Milan Radoiçiç, si nënkryetar i Listës serbe dhe trupëroja e Aleksandër Vulinit, shef i BIA-s. Të dy këta po ashtu të sanksionuar në listën e zezë të ShBA-ve. Të dy këta nga njerëzit më të afërt të presidentit të Serbisë.

Këto fakte janë dëshmi tjetër se synimet e Serbisë ndaj Republikës së Kosovës nuk kanë ndryshuar aspak nga koha e regjimit të Millosheviçit, ish-ministri i Propagandës së atij regjimi, tash president i regjimit aktual në Serbi. Edhe optimistët më të mëdhenj që deri tash e kanë gënjyer veten për ndryshimet në këtë shtet besoj janë bindur për të kundërtën këto ditë.

Dua të shpreh edhe njëherë mirënjohje për qendresën e Policisë së Kosovës atë ditë dhe për profesionalizmin e pashoq, aksion në të cilin nuk është lënduar lënduar asnjë civil.

LEXONI GJITHASHTU:

• Rama për Kosovën: S’linjëzohemi me BE! T’i japin përgjigje zisë në Beograd
• Sveçla publikon foton: Pjesë e terroristëve të vrarë dhe truproja e Aleksandër Vulin