“Ta hëngsha zemrën”, rizotoja e veçantë që gatoi shef Marku për Shën Valentinin

Shefi i kuzhinës, Alfred Marku thotë se për ditën e Shën Valentinit, kanë pasur një pjatë në menu, që quhet “ta hëngsha zemrën” dhe që u servir në restorantin ku punon.

Në një intervistë për Euronews Albania, Marku u shpreh se kjo kishte të bënte me një rizoto, e shoqëruar me shafran dhe zemrën e viçit.

“Ndër këto më të thjeshtat, që janë më komode nëpër shtëpitë dhe për të gjitha amvisat që na shikojnë, është fërgesa e mëlçive me qepë, të skuqura në vaj dhe me gjethe dafine. Mëlçitë, gjithmonë të brendshmet janë gjithmonë të pjekura.

Ajo që kemi përdorur, një pjatë për Shën Valentin, ishte një rizoto që quhet “ta hëngsha zemrën”. Ishte një rizoto me shafranin e Kepit të Rodonit dhe me zemrën e viçit të pjekur dhe të tharë. Zemra u viçit ngrihej sipër dhe merrte ngjyrën kafe”, theksoi shef Marku”.

LEXONI GJITHASHTU

• Këshilla e shefit të kuzhinës: Kurrë mos e hani krudo këtë produkt
• A do të rriten çmimet e ushqimeve pas shfuqizimit të bordit? Flet ekspertja
• Gjykata Kushtetuese rrëzon Bordin e Transparencës për çmimet e ushqimeve