Tabaku paraqitet në SPAK për çështjen e inceneratorëve

Deputetja e Partisë Demokratike, Jorida Tabaku është paraqitur ditën e sotme në SPAK për të dhënë informacione lidhur me çështjen e inceneratorëve.

Mësohet se Tabaku është në SPAK për të dhënë informacion si person që ka denoncuar aferën e inceneratorëve duke qene se ka kryesuar Komisionin Hetimor Parlamentar për inceneratorët.

Pas dëshmisë, deputetja do të ketë komunikim me median.

SPAK është duke vijuar me hetimet për inceneratorin e Elbasanit dhe brenda pak ditësh pritet që të dorëzojë dosjen për gjykim në Gjykatën e Posaçme.

Për këtë çështje janë të arrestuar disa persona, si ish-ministri Lefter Koka, për shpërdorim detyre, ndërsa në kërkim janë administratorët, Stela Gugallja dhe Klodian Zoto.

Ndërkohë ish deputeti i PS dhe ish-sekretari i Përgjithshëm i Ministrisë së Mjedisit, Alqi Bllako, rifitoi një ditë më parë lirinë vetëm 8 muaj pas arrestimit për skandalin e incineratorëve.

Ndërkohë, hetimet për inceneratorin e Tiranës, teksa po mbushen 3 vite, ende nuk ka një person nën hetim, apo të arrestuar për këtë çështje.

LEXONI GJITHASHTU:

• Drejtësia lë në burg Lefter Kokën, në ditën kur ‘dërgon në shtëpi’ Alqi Bllakon
• Lirimi i Alqi Bllakos, Meta: Koka e aferës është Rama, drejtësia nuk veproi
• Alqi Bllako lirohet nga qelia, SPAK: Do ankimojmë vendimin