Tabaku: Presioni i opozitës dhe BE ndihmoi Shqipërinë të largohej nga Lista Gri

Deputetja e Partisë Demokratike Jordia Tabaku tha në se ka qenë presioni i opozitës dhe i BE-së, shkak që Shqipëria të largohej nga lista gri e pastrimit të parave.

Tabaku tha se ishte pikërisht presioni dhe denoncimi i vazhdueshëm i opozitës që e detyroi qeverinë shqiptare të tërhiqet nga amnistia fiskale.

Ajo shtoi se presioni opozitar duhet të vazhdojë edhe me iniciativa të tjera jo vetëm për ekonominë, jo vetëm për shqiptarët por edhe për procesin e integrimit.

“Për muaj e muaj kemi kundërshtuar ligjin korruptiv dhe abuziv të amnistisë fiskale. Sepse Shqipëria duhej patjetër të përfitonte nga vendimet e Task Force. Qeveria shqiptare u fsheh mbas këshillimit publik, mbas 2/3 e Shqiptarëve, për t’i vendosur Shqipërisë një damkë, ashtu siç ja vendosi për pastrimin e parave.

Ligji si ai i pasaportave të arta, i amnistisë fiskale, i legalizimit të kanabis, janë qartësisht vija të kuqe për procesin e integrimit , por janë vija të kuqe edhe për xhepat e Shqiptarëve. Se ne sot jemi në një betejë midis ekonomisë formale dhe asaj informale, ndërmjet luftës korrupsionit dhe bekimit të korrupsionit, dhe ligjet si amnistia fiskale veç se e bekojnë atë.

Denoncimi i vazhdueshëm nga ana e Partisë Demokratike, mbështetja ndërkombëtare për ta denoncuar ketë si aferë, ushtruan një presion që e detyroi qeverinë Shqiptare të tërhiqet nga ky ligj. Unë mendoj që ne mund ta realizojmë këtë edhe me iniciativa të tjera të ardhshme, jo vetëm për ekonominë, jo vetëm për shqiptarët por edhe për procesin e integrimit”,-tha Tabaku.

Kujtojmë se ë herët, të premten e 27 tetorit, ishte Zv.kryeministrja Belinda Balluku ajo e cila përshëndeti vendimin e FATF (Financial Action Task Force) për nxjerrjen e Shqipërisë nga lista gri e pastrimit të parave. Ndërsa u shpreh se kjo ka ndodhur falë angazhimit të qeverisë shqiptare për përmbushjen e reformave.

LEXONI GJITHASHTU:

• Balluku: Shqipëria del nga lista gri e pastrimit të parave
• “Prokurorët u thirrën në Amerikë”, Karamuço: Trajnimet i bënë mbi dosje të vërteta