Tabaku: Qeveria u ka dhënë koncesione kompanive ruse të sanksionuara nga SHBA

Deputetja e Partisë Demokratike, Jorida Tabaku ka akuzuar qeverinë se u ka dhënë koncensione kompanive ruse të sanksionuara nga Shtetet e Bashkuara të Amerikës.

Gjatë fjalës së saj në Komisionin e Veprimtarisë Prodhuese, Tabaku u shpreh se qeveria ka miratuar koncesione të kundërta me interesin kombëtar.

“Ne kemi këto ditë koncesione që qeveria shqiptare i ka dhuruar një oligarku rus apo kompanive ruse të lidhura ngushtësisht me qeverinë ruse. Madje kemi mësuar se si kompani nga oligarkët rusë kanë marrë dhe titujt strategjikë nga qeveria Rama.

Deripaksa ka qenë një nga punëdhënësit e McGonigal, agjentit të arrestuar të FBI i akuzuar ndër të tjera edhe për sajesën e lobimit rus ndaj PD në SHBA me porosi të kryeministrit Rama”, theksoi ajo.

LEXONI GJITHASHTU:

• “McGonigal”, NYT: S’ka tregues për lidhje me rusët, në pikëpyetje akuza e 225 mijë $
• Dosja ‘Mc Gonigal’, gjykata e madhe në SHBA hetoi takimet e ish-agjentit në Shqipëri
• Skandali McGonigal, reagon për herë të parë Basha: E drejta vonon por nuk harron