Tabaku takim me Kurtin në Prishtinë: Rruga jonë e integrimit është jetike

Kryetarja e Komisionit të Integrimit Europian, Jorida Tabaku, ndodhet prej dy ditësh, në një vizitë zyrtare në Kosovë.

Mëngjesin e kësaj ë marte ajo ka zhvilluar një takim me kryeministrin e Kosovës, Albin Kurti.

Në mbishkrimin e një fotoje të shpërndarë në facebook gjatë takimit, Tabaku shkruan se rruga e integrimit drejt BE-së është jetike për të dyja vendet, ndaj dhe duhet të punohet së bashku drejt këtij qëllimi.

“Mirëmëngjes ! Me Albinin për shqiptarët në Shqipëri edhe  Kosovë. Rruga jonë e integrimit është jetike; Çfarë është e përbashkët mund të rritet së bashku, shprehej kancelari gjerman Brandt. Kemi shumë për të mësuar nga njëri tjetri”, shkruan tabaku.

Kujtojmë se ditën e djeshme kryetarja e Komisionit të Integrimit Europian nisi vizitën e saj në Kosovë ndërsa takimet e para i kreu me kryetarin e LDK, Lumir Abdxhikun.

Në praninë e kolegëve demokratë dhe njëkohësisht anëtarëve të Komisionit të Integrimit, Açka dhe Çollaku, Tabaku diskutoi me kryetarin Abdixhiku mbi çështjet prioritare të Kosovës.

Më tej të tre përfaqësuesit e PD iu drejtuan varrezave të Dëshmorëve në Prishtinë ku kryen homazhet përkatëse në varrine. Ibrahim Rugovës dhe heronjve të tjerë që dhanë jetën për lirinëdhe pavarësinë e Kosovës.

Takimet e radhës ishin ato me Komisionin e Integrimit Europian në Parlamentin e Kosovës. Në të zonja Tabaku u shpreh për domosdoshmërinë e ngritjen e një ekipi të përbashkët teknik për të forcuar edhe më tej rrugëtimin Europian që duhet të ketë Kosova dhe SHqipëria.

Në takim u diskutuan edhe një koordinim më i mirë në lidhje me përfaqësimin e Kosovës dhe përpjekjen për të përfshirë Kosovën në organizatat e BE si COSAC.

Gjatë takimit me kryetarin e Kuvendit të Kosovës, z. Konjufca, diskutimet qenë të lidhura me çështjen e integrimit dhe njëkohësisht temën e nxehtë sot në Kosovë, çështjen e raporteve me Serbinë.

Tabaku u shpreh se “Ne do të mbështesim çdo vendim të marrë nga elita politike e Kosovës. Ne, vazhdoi ajo, jemi vëllezër por askush nuk hyn në punët e shtëpisë së vëllait.  Ajo u shpreh se fati i Ballkanit Perëndimor është ai në BE dhe se rritja e pranisë amerikane dhe europiane në rajon e ka forcuar edhe më shumë projektin e një rajoni në BE.

Më tej ajo shprehu domosdoshmërinë që BE të finalizojë procesin e liberalizimit të vizave. Rajoni ka nevojë për një Kosovë pa viza dhe vetë BE ka nevojë për një Kosovë pa viza, u shpreh Tabaku.

LEXO GJITHASHTU:

• FOTO/ Larg podiumit dhe e vetme, Tabaku filmohet në protestën e Berishës
• Tabaku prezanton nismën për ndryshimet në ligjin e koncesioneve