Tajfuni i afrohet Filipineve lindore, mijëra njerëz evakuohen
Mijëra njerëz u evakuuan në provincat bregdetare të Filipineve të hënën, përpara një tajfuni që pritet të godasë vendin.
Tajfuni Kalmaegi u pa për herë të fundit rreth 235 kilometra në lindje të qytetit Guiuan në provincën Samar Lindore, me erëra të qëndrueshme deri në 120 kilometra në orë dhe shpërthime deri në 150 km/orë, dhe parashikohet të godas Filiopinet, sipas ekspertëve.
“Evakuimet janë duke vazhduar në Palo dhe Tanauan”, tha zyrtari i katastrofave të Leyte, Roel Montesa, duke përmendur dy nga qytetet më të goditura nga stuhitë në vitin 2013, kur supertajfuni Haiyan vrau më shumë se 6,000 njerëz.
Mijëra banorë janë evakuuar gjithashtu që nga e diela në ishullin fqinj Samar, ku parashikohen valë të larta prej tre metrash, sipas zyrtarit të mbrojtjes civile Randy Nicart.
“Disa qeveri lokale po përdorin evakuime të detyruara, përfshirë qytetin Guiuan, ku stuhia ka të ngjarë të arrijë në tokë”, tha ai.
Filipinet goditen mesatarisht nga 20 stuhi dhe tajfune çdo vit, të cilat godasin rregullisht zonat e prirura ndaj katastrofave ku miliona njerëz jetojnë në varfëri.
Pak në jug të Leyte, në provincën e Ishujve Dinagat, guvernatori Nilo Demerey tha se 10,000 deri në 15,000 njerëz ishin zhvendosur paraprakisht në zona më të sigurta.
“Ne kemi zbatuar evakuime parandaluese për dy ditët e fundit, për sa kohë ka kohë”, tha ai.
Ndërkohë, qyteti ka një digë njëkatëshe “thyes dallgësh” që synon të mbrojë qendrën e tij nga valët e mëdha.
LEXONI GJITHASHTU:
Carney dhe Trump zhvillojnë një bisedë telefonike, çfarë u diskutua
NATO do njoftojë dhjetëra miliardë dollarë në kontrata të reja mbrojtëse në samitin e Ankarasë
Pamje nga ajri, imazhet e shkatërrimit nga tërmetet katastrofike në Venezuelë (VIDEO)
- 22:32 Moti i keq, aksident në hyrje të tunelit të Skërficës
- 22:28 Gazetarja: Rama përballë “fëmijëve politikë” të tij, kërkojnë zgjidhje për problemet e krijuara nën qeverisjen e tij
- 22:25 “5 kërkesat nuk mjaftojnë për Shqipërinë e Re”, Manjani: Nuk është zgjidhje, jep dorëheqjen ti të vij unë
- 22:12 “PD të mos flasë në emër të protestës”, Malaj: Partitë politike janë të fundit që duhet të flasin
- 21:58 Rrufeja shkakton zjarr në Dropull, era e fortë rrëzon pemë dhe bllokon rrugën
- 21:57 Aktivisti Goci: Një agjent nuk del me fytyrë të kërkojë dorëheqjen e kryeministrit