Tajvani do të bllokojë bankat ruse nga SWIFT

Tajvani do t’i bashkohet masave për të bllokuar disa banka ruse nga sistemi i pagesave ndërkombëtare SWIFT njësoj si vendet perëndimore.

Kjo ishte deklarata e kryeministrit Su Tseng-chang, këtë të martë për gazetarët.

Tajvani do të “shqyrtojë” produktet e eksportuara në Rusi në përputhje me Marrëveshjen Wassenaar, e cila rregullon kontrollet e eksportit për armët dhe mallrat dhe teknologjitë me përdorim të dyfishtë, u tha ligjvënësve ministri i çështjeve ekonomike Wang Mei-hua.

Eksportet e tilla nuk do të lejohen “nëse nuk ka arsye legjitime,” tha ai.

Wang pranoi se tregtia e Tajvanit me Rusinë është minimale, por tha se prodhuesit kryesorë të çipave tajvanezë janë zotuar të gjithë të jenë në përputhje me politikat e qeverisë dhe rregulloret përkatëse.

Ndërkohë, Tajvani dërgoi 27 tonë furnizime mjekësore në Ukrainë të hënën.

LEXONI GJITHASHTU:

• Sa rrezikon Tajvani të pushtohet nga Kina pas konfliktit Rusi-Ukrainë?