Takimi i Ramës me liderët e rajonit, mbërrin në “Vilën 30” Bërnabiç. Mungon Kurti

Ka mbërritur në ambientet e “Vilës 30”, kryemnistrja serbe Ana Bërnabiç, në kuadër të takimit informal që kryeministri Rama do të mbajë me liderët e Ballkanit Perëndimor.

Pritet të mbërrijnë gjithashtu dhe kryeministri në detyrë i Malit të Zi, Dritan Abazavoiç, kryeministri i Maqedonisë së Veriut, Dimitar Kovaçevski, si dhe dhe Komisioneri për Fqinjësinë dhe Zgjerimin në BE, Oliver Varhelyi.

Në këtë takim do të diskutohet rreth Procesit të Berlinit dhe samitit të radhës që është planifikuara të mbahet në mes të tetorit në Tiranë.

Kryemninistri Rama pritet të shtrojë rreth orës 13:00 dhe një drekë informale me liderët rajonalë.

Sakaq në takim nuk pritet të ketë asnjë përfaqësues nga Kosova, pasi kryeministri Kurti ndodhet në një vizitë zyrtare jashtë vendit, ndërkohë që zëvendëskryeministri Besnik Bislimi ka konfirmuar se nuk do të marrrë pjesë.

LEXONI GJITHASHTU:

• Liderët e rajonit në një takim joformal në Tiranë, kush e përfaqëson Kosovën
  
• Analisti: 19 persona në Ballkan do shpallen non-grata, edhe shqiptarë në listë
• “Qytetarët e duan atë”- Kovaçevski dhe Bërnabiç sfidojnë Ramën për Open Balkan