“Qytetarët e duan atë”- Kovaçevski dhe Bërnabiç sfidojnë Ramën për Open Balkan

Maqedonia e Veriut dhe Serbia kanë sfiduar kryeministrin e Shqipërisë Edi Rama për Ballkanin e Hapur. Ndërsa Rama e deklaroi se nisma e ka kryer misionin e saj, kyeministri maqedonas Dimitar Kovaçevsky, shkruan përmes një postimi në facebook se Ballkani i Hapur ka dhënë rezultate konkrete dhe njerëzit e duan atë.

“Nisma Ballkan i Hapur jep rezultate konkrete dhe qytetarët e duan atë”, shkruan Kovaçevski.

Kryeministri i Maqedonisë së Veriut dhe kryeministria serbe Ana Bërnabiç inaguruan sistemin e ri të përbashkët elektronik qe u mundëson  qytetarëve të Maqedonisë së Veriut dhe Serbisë të udhëtojnë më shpejt dhe me efikasitet drejt destinacionit të tyre.

“Së bashku me kryeministren e Serbisë, Ana Brnabiq, sot promovuam sistemin e përbashkët elektronik për vjeljen e tarifave. Ky sistem mundëson lëvizje të shpejtë dhe efikase të qytetarëve me ndihmën e pajisjes speciale TAG, e cila pas regjistrimit funksionon pa probleme në të dy vendet.

Ky është shembulli më i mirë që Open Balkan punon dhe ofron rezultate dhe përfitime konkrete, siç është sistemi i përbashkët i faturimit elektronik që do të kontribuojë në cilësi më të lartë dhe kushte më të mira jetese për qytetarët tanë.

Periudha e verës është momenti i duhur që qytetarët e Maqedonisë të fillojnë të përdorin M-tag më aktivisht, kjo do t’ua bëjë udhëtimin më të lehtë dhe më të shpejtë.

Procedura është e thjeshtë dhe përfitimet janë të mëdha!”, ka shkruar Kovaçevsky duke sfiduar kështu qëndrimin e kryeministrit Rama lidhur me Ballkanin e Hapur. Në vitin 2019 Presidenti i Serbisë, Aleksandar Vuçic, kryeministri i Shqipërisë, Edi Rama, dhe kryeministri i Maqedonisë së Veriut asokohe, Zoran Zaev,  krijuan Minishengenin Ballkanin e cila me pas ndryshoj emer duke u quajtur Ballkani i Hapur.

LEXONI GJITHASHTU:

• Liderët e rajonit në një takim joformal në Tiranë, kush e përfaqëson Kosovën
  
• Analisti: 19 persona në Ballkan do shpallen non-grata, edhe shqiptarë në listë
• Formimi i qeverisë në Malin e Zi, negociatat dhe me partinë nacionaliste pro-serbe