Takimi i ri Kurti-Vuçiç në Bruksel më 2 maj 

Një raund i ri i dialogut ndërmjet Beogradit dhe Prishtinës në nivelin më të lartë do të vazhdojë më 2 maj, kur presidenti serb Aleksandër Vuçiç dhe kryeministri i Kosovës Albin Kurti do të takohen në Bruksel, ka konfirmuar zëdhënësi i BE-së, Peter Stano.

Bashkimi Evropian, si ndërmjetës në dialog, sot ka themeluar një komision të përbashkët për monitorimin e zbatimit të marrëveshjes, ku përfshin Kosovën dhe Serbinë si palë në dialogun për normalizimin e marrëdhënieve.

Siç tha Stano, detyra e komitetit të përbashkët monitorues është të mbikëqyrë zbatimin e Marrëveshjes për rrugën e normalizimit të marrëdhënieve ndërmjet Kosovës dhe Serbisë dhe aneksit të zbatimit të saj, shkruan Euronews Serbia.

“Ky është zbatim konkret i asaj që u ra dakord 30 ditë më parë në Ohër në takimin e presidentit Vuçiç me kryeministrin e Kosovës Albin Kurti. Ky Komitet i Përbashkët Monitorues do të kryesohet nga i dërguari special për dialogun Miroslav Lajçak”, tha Stano.

Herën e fundit që Vuçiç dhe Kurti u takuan ishte në Ohër më 18 mars dhe takimi i tyre zgjati 12 orë.

Shefi i diplomacisë së BE-së, Josep Borell, tha atëherë se janë rënë dakord për hapa praktikë se si do të zbatohet marrëveshja e shkurtit nga Brukseli për normalizimin e marrëdhënieve ndërmjet Serbisë dhe Kosovës.

LEXONI GJITHASHTU:

• Kurti pas liberalizimit të vizave: Lajm i mirë për Kosovën, një hap më pranë BE-së
• “E kam kundërshtuar për 30 vjet”, Prokiç: Vuçiç mund të mbahet mend si hero nëse…