“Taksa të padrejta, po largoni të rinjtë”,shoqëria civile protestë para Kushtetueses

Shoqëria civile por edhe përfaqësues politik protestuan këtë të enjte përpara ambienteve të Gjykatës Kushtetuese për taksimin e profesioneve të lira.

Ata kanë kundërshtuar taksimin që qeveria ka vendosur për të gjithë profesionistët e lirë duke e cilësuar këtë një vendim të padrejtë që po i bën profesionitët e lirë të largohen nga vendi.

“Ne mbështesim profesionet e lira, pasi ju jepni kontribut të jashtëzakonshëm për këtë vend. Keni zgjedhur të jetoni në Shqipëri kur shumë të tjerë janë larguar. Ju përgëzoj për këtë qëndresë e për këtë protestë, meritoni mbështetje”,-tha Tedi Blushi, nga LSI.

Në protest ka mbajtur fjalën e saj edhe përfaqësuesja e “Shqipëria bëhet”, Edlira Çepani.

“Jemi trajtuar pa dinjitet, sepse ajo administratë që përbëhet nga militantët thanë pop se mos ti taksojmë ne këta profesionist, pse mos ta mbajmë ne premtimin që thoshte se askush nuk do të tatohej deri në 2029, pse të mos sulmojmë shtresën e mesme. Kështu ndodh në Shqipëri, sulmohen ata që mund të ngrenë zërin”,-tha ajo.

“ku shkojnë këto para? Kemi 11 koncesione prej 14.3 miliardë lekë që do u paguajmë inceneratorëve, koncensioneve për sterilizimin, kemi këta investitorët strategjik që jo vetëm nuk paguajnë tatime, por i financon shteti për të zaptuar bregdetin dhe për të pastruar paratë e drogës. Kemi edhe profesionistë të lirë, është ai grup njerëzish që sjell metodat, teknologjinë më të fundit dhe këta tatohen. Pse ndodh kjo? Po afron fushata elektorale dhe mendojnë se s’do kenë më mundësinë për të bërë kërdinë? Kjo është një fuqi intelektuale që po detyrohet të largohet jashtë vendit”,-tha Redi Muçi nga Lëvizja Bashkë.

LEXONI GJITHASHTU:

• Kampionati Evropian i Basketbollit, ekipi kombëtar për femra përgatitje në Korçë
• “Si e nisa drogën 34 vjeç” – Rrëfehet për Euronews Albania ish-përdoruesi