Taksa turistike në Amsterdam pëson rritjen më të madhe në BE 

Amsterdami planifikon të rrisë taksën e një nate në 12.5 për qind të çmimit të një dhome hoteli, ndërsa pasagjerët në anijet turistike do të paguajnë 11 euro për person, në vend të tetë eurove të mëparshme.

“Amsterdami do të ketë taksën më të lartë turistike në Evropë kur të ketë një rritje të re vitin e ardhshëm”, tha sot për “Dutch News” zyrtari i financave të qytetit Hester van Buren.

Gazeta lë të kuptohet se turistët do të paguajnë një taksë mesatare prej 22 euro për natë në vend të 15 eurove të mëparshme për një dhomë, qiraja e së cilës kushton 175 euro, e cila është taksa e katërt më e lartë në botë.

Administrata e qytetit kishte planifikuar një rritje më të ulët, por vendosi të rrisë normën pas presionit të këshillit.

Qyteti pret të mbledhë gjithsej 65 milionë euro nga taksa turistike vitin e ardhshëm.

LEXONI GJITHASHTU:

• Hashashi dhe “dritat e kuqe”, Amsterdami ‘luftë’ turistëve të këqij
• Stuhia e fuqishme godet Amsterdamin, anulohen rreth 300 fluturime