Talenti 14-vjeçar nga Pogradeci krijon radarin prototip, synon ta bëjë funksional

Ky është 14-vjeçari Alket Zeqollari nga Pogradeci i cili ndryshe nga bashkëmoshatarët e tij që përdorin internetin kryesisht për rrjete sociale si TikTok apo Snapchat, ka shfrytëzuar teknologjinë për të krijuar pajisje me funksione të veçanta.

Së fundmi, ai ka ndërtuar një radar që përmes valëve arrin të detektojë njerëz dhe objekte.

Sipas tij, ky radar, i cili është aktualisht vetëm një prototip, mund të japë në kohë reale sinjal për çdo person të panjohur që i afrohet banesave apo institucioneve.

I apasionuar pas programeve të kodimit, Alketi tregon se ka nisur punën për ta kthyer këtë prototip në një pajisje funksionale, me kosto personale, ndërsa punon edhe për krijimin e aplikacionit shoqërues.

Si Alketi, edhe shumë vajza e djem në shkolla të ndryshme të vendit janë të angazhuar në kodim dhe robotikë, duke ndërtuar pajisje me përdorim praktik në jetën e përditshme.

Alketi kërkon më shumë mbështetje për të rinjtë, që idetë e tyre të mos mbeten vetëm në letër, por të shndërrohen në produkte që tregojnë potencialin e brezit të ri shqiptar në fushën e teknologjisë.

LEXONI GJITHASHTU:

• Ekspozitë fotografike me 18 konkurrentë në Pogradec
• Rinia shqiptare në emigrim, 25-vjeçarja nga Gana pastron rrugët e Pogradecit