Një punonjës i policisë është arrestuar në flagrancë nga Agjencia e Mbikëqyrjes Policore (Rajoni Vlorë-Gjirokastër), pas një aksidenti të ndodhur mbrëmjen e djeshme në qytetin e Vlorës.
I arrestuari është shtetasi S. Gj., me detyrë shofer pranë Drejtorisë së Përgjithshme të Policisë së Shtetit, në Akademia e Sigurisë, i cili dyshohet për kryerjen e veprës penale “Drejtim i automjetit në mënyrë të parregullt”.
Sipas njoftimit zyrtar të AMP, ngjarja ndodhi rreth orës 23:45, në aksin rrugor “Gjergj Kastrioti”, ku shtetasi S. Gj. duke drejtuar një automjet tip ambulancë, “Volksëagen”, humbi kontrollin dhe u përplas me tre automjete të parkuara anash rrugës, duke shkaktuar dëme materiale.
Pas verifikimit nga shërbimet përkatëse, punopnjësi i policisë rezultoi në gjendje të dehur, me një vlerë të alkoolit në gjak 1.16 mg/l.
LEXONI GJITHASHTU:
- Shkaktoi aksidentin dhe u largua, AMP ekzekuton vendimin ndaj efektivit të policisë
- Aksident i katërfishtë në Shkozet, shoferët konfliktohen pas përplasjes